धारीलो हतियार प्रहार गरी श्रीमतिको हत्या

इकनिका सवाददाता
४ असोज, २०८३

बेल्टार(उदयपुर) – उदयपुरको चौदण्डीगढि नगरपालिका – २ डाँडागाउँमा आइतबार बिहानको राती श्रीमानले धारीलो हतियार प्रहार गरि श्रीमतिको हत्या गरेका छन ।
विहान रातीको साढे १२ बजे स्थानीय ५८ बर्षीय गन्दुराम राईले४५ वर्षीया श्रीमती बिमला राईलाई धारिलो हतियार प्रहार गरि हत्या गरेको प्रहरीले जनाएको छ ।
मादक पदार्थ सेवन गरेका गन्दुरामले घरायसी विवादको क्रममा आफ्नै घरेलु हतिया सिकल (हँसिया) ले गर्दनमा प्रहार गरी श्रीमति बिमलालाई घाइते बनाएका थिए ।
श्रीमति घाइते बनाएका गन्दुरामभने आफैँ अस्थाई प्रहरी पोष्ट माडिबास पुगेर प्रहरीलाई जानकारी गराएका हुन ।
गन्दुरामले जानकारी गराउनासाथ उनलाई तत्काल नियन्त्रणमा लिइएको इलाक प्रहरी कार्यालय बेल्टारले जनाएको छ ।
गुन्दुरामलाई नियन्त्रणमा लिई अस्थायी प्रहरी बिट माडिबासबाट खटिएको प्रहरी टोलीले घाइते बिमलालाई उद्धार गरी उपचारको लागि नगर अस्पताल बेल्टार पठाएको थियो ।
तर उपचारको क्रममा सवाँ १ बजे बिमलाको मृत्यु भएको उपचारमा सलग्न चिकित्सकले वताए ।
हतियार प्रहार गरि श्रीमतिको हत्या गर्ने गन्दुरामलाई प्रहरी हिरासतमा राखि घटनाको अनुसन्धान भईरहेको छ ।